ബെംഗളൂരു : കർണാടകയിൽ സിദ്ധരാമയ്യ സർക്കാറിന് കീഴിലെ പ്രധാന വികസനങ്ങളെക്കുറിച്ച് ഉൾക്കാഴ്ചകൾ നൽകുന്ന പ്ലാറ്റ്ഫോമായ ‘സി.എം ഡാഷ്ബോർഡ്’ കഴിഞ്ഞ ദിവസം പ്രകാശനം ചെയ്തു.
വിധാൻ സൗധയിൽ എല്ലാ ജില്ലകളിലെയും ഡെപ്യൂട്ടി കമീഷണർമാരുമായും ജില്ല പഞ്ചായത്ത് സി.ഇ.ഒമാരുമായും നടത്തിയ അവലോകന യോഗത്തിൽ മുഖ്യമന്ത്രി സിദ്ധരാമയ്യയാണ് പ്ലാറ്റ്ഫോം ഉദ്ഘാടനം ചെയ്തത്.
സെന്റർ ഫോർ ഇ-ഗവേണൻസ് സ്വന്തമായി വികസിപ്പിച്ചെടുത്ത ‘cmdashboard.karnataka.gov.in’ എന്ന ഡൊമെയിന് കീഴിലാണ് പ്രവർത്തിക്കുക.
സാമ്പത്തിക വളർച്ച, നിയമ/ജുഡീഷ്യറി മാനേജ്മെന്റ്, അടിസ്ഥാന സൗകര്യ വികസനം, പൗരകേന്ദ്രീകൃത ഭരണം തുടങ്ങി നാലു വിഭാഗങ്ങളിലായാണ് വിവരം ലഭിക്കുക.
സർക്കാറിൻ്റെ സുതാര്യത പ്രോത്സാഹിപ്പിക്കുന്നതിനായാണ് പോർട്ടൽ രൂപകൽപന ചെയ്തിരിക്കുന്നതെന്ന് ഉദ്യോഗസ്ഥർ വ്യക്തമാക്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
